СамДУда ўтказилган апробация тестлари натижалари маълум бўлди

20 май куни Самарқанд давлат университети қошидаги тайёрлов марказида абитуриентлар учун барча йўналишлар бўйича апробация-репитицион (ДТМ намунасида) тест ўтказилган эди. Мазкур тест натижалари маълум бўлди, деб ёзади «Zarnews.uz».

Самарқанд давлат университети қошидаги тайёрлов марказидан маълум қилишларича, апробация тестида жами 305 киши қатнашган.

Имтиҳон рус ва ўзбек тилларида турли йўналишлар бўйича олинди. Абитуриентлар ўз билимларини синаш имконига эга бўлди.

Таъкидланишича, бу йилги тестларда аввалгидек 36 тадан эмас, балки 30 тадан савол 3 блокда берилди.

Мутахассисларнинг таъкидлашича, тест саволлари илгарисидан соддароқ бўлган.

Ўзбек гуруҳлари орасида йўналишлар бўйича қўлга киритилган энг юқори баллар қуйидагича бўлди:

Техника йўналиши – 156,6 балл

Ижтимоий-гуманитар йўналиш – 149,5 балл

Тиббиёт йўналиши – 140,4 балл

Иқтисодиёт йўналиши – 139,5 балл

Инглиз филологияси йўналиши – 134,9 балл

ТАТУ йўналиши – 123,4 балл

Педагогика ва психология йўналиши – 117 балл

Ўзбек филологияси йўналиши –  112 балл

Кимё технологияси йўналиши –  111 балл

География йўналиши – 90 балл

Эслатиб ўтамиз, жорий йилги тестларда абитуриентлар учала блокда максимал 189 балл тўплаши мумкин.