Данияда жамоат жойларида паранжи тақиш тақиқланди. Тегишли қонун 31 май куни қабул қилинди, деб хабар беради Euronews.
Дания Франция, Бельгия, Нидерландия ва Австрия изидан бориб, бундай қарорни қабул қилди.
Расман ҳужжатда юзни тўлиқ ёпиб турувчи ҳар қандай кийим-кечак ҳақида гап боради. Аммо бу чора биринчи навбатда мамлакатда истиқомат қилувчи мусулмонларга қаратилганлиги аён, дейилади хабарда.
«Паранжи аёл кишини Даниядаги каби очиқ жамиятдан бутунлай четлатиб қўяди. Бу ерда одамлар ўз юзини яширмасдан мулоқот қилади. Ва бунга барча фуқаролар риоя қилиши керак», — деди Дания парламенти депутати Носир Ҳодир. У паранжини тақиқлашни ёқлаб овоз берди.
Парламент биноси яқинида паранжи ёпинадиган мусулмон аёлларни қўллаб-қувватлаб акция ўтказилди.
Тақиқ расман 1 августдан кучга киришни бошлайди. Қонунбузарлар биринчи марта 1 минг крона (160 доллар)дан бошланадиган қийматда, учинчи мартадан кейин эса 10 минг крона (1600 доллар)гача миқдорда жаримага тортилиши мумкин.
Изоҳ (0)