Навоий вилоятида пилла кластер усулида етишти­рилмоқда

Навоий вилоятида пиллачиликни ривожлантириш борасида амалга оширилаётган ишлар ўзининг юксак самараларини бермоқда. Жумладан, мавжуд тутзорлар кенгайтирилиб, кўчатлар сафи тўл­дирилди, дея хабар беради ЎзА.

Пилла кластер усулида етишти­рилмоқда. «Кармана пилла хазинаси», «На­воий ипак қурти уруғи», «Кармана Ал-Азиз ипаги» масъулияти чекланган жамиятлари ҳамда «Хатирчи пилла ха­зинаси» хусусий корхонаси бу борада ижобий натижаларга эришмоқда.

— Соҳада тажрибага эга қатор фермер ва оилавий хўжаликлар пилла парварисhideк жуда нозик ишни яку­нига етказиб, етиштирилган ҳосилни буюртмачиларга ет­казиб бермоқда, — дейди «Навоий ҳу­дудий агропилла» мас’­улияти чекланган жамияти бош агрономи Х.Очилов. — Ипак қурти пар­­ва­ришида уларга етакчи мутахассисларимиз яқиндан кўмаклашди. Натижада ҳосилдорлик ортди. Айни кунгача тарқатилган 1135 қути ипак қуртининг ҳосили терилиб, корхоналарга 63,3 тонна пилла топширилди. Унинг бир қисми энг сифатли нав — уруғ­лик учун сараланди. Ўртача ҳосилдорлик бир қутидан 56 килограммни ташкил этмоқда.

Кармана туманидаги «Севольтэпа равнақи», Қизилтепа туманидаги «Нигорабону Севарахон», «Аҳмад Намоз», Навбаҳор туманидаги «Қаҳҳор Саид» фермер хўжалик­лари пил­ла­корлари белгиланган режани ортиғи би­лан бажарди.

Вилоятда пилла топшириш давом этмоқда.