«Реал Мадрид» мураббийлигидан кетган Зидан, маҳбуслар шифохонасига тушиб қолган Рашиджон Қодиров, электрокарлар ишлаб чиқариш ниятидаги «Ўзавтосаноат» ва куннинг бошқа муҳим хабарлари

31 майнинг эътиборга молик янгиликлари — «Дарё»нинг кечки дайжестида.

1. Собиқ бош прокурор Рашиджон Қодиров маҳбуслар шифохонасига ётқизилди. Маълумот учун, Қодиров февралдан бери тергов қилиняпти. У товламачилик, мансаб ваколатини суиистеъмол қилиш, пора олишда айбланяпти.

2. «Ўзавтосаноат» раҳбари: Автосаноат монополиясига барҳам бериш — устувор вазифамиз. Айтишларича, GM Uzbekistan’нинг Асакадаги автозаводи йил охиригача тўлиқ «Ўзавтосаноат»ники бўлади. Автозавод номи ўзгаради.

3. Расман: ЕЧЛни кетма-кет 3 марта ютган Зинедин Зидан «Реал»дан кетишини эълон қилди. Афсонавий футболчидан афсонавий мураббийга айланган Зиданнинг айтишича, «Реал» яна ғалаба қозониши учун танаффус керак.

4. GM Uzbekistan Matiz автомобилларини ишлаб чиқаришни тўхтатмоқда. «Ўзавтосаноат» раҳбариятининг маълум қилишича, яқин вақт ичида Captiva ҳам конвейердан олинади.

5. Тошкентда суд ЙПХ ходимини судраб кетган автомобиль ўғрисига 11 йил қамоқ жазоси тайинлади. Айбланувчига нисбатан Жиноят кодексининг бир эмас, бешта моддаси бўйича иш очилган эди. У муқаддам судланган ҳам эди.

6. «Ўзавтосаноат» электромобиллар устида иш олиб боряпти. Бир ой ичида синов учун икки электрокар Тошкентга келтирилади. Тошкентдаги Турин политехника университетида эса «Ўзавтосаноат» буюртмаси асосида ҳайдовчисиз ҳаракатланадиган автомобиль ишлаб чиқилмоқда.

7. «Ўзбекконцерт» Сардор Раҳимхон, Феруза Жуманиёзова, Асилбек Ниғматов ҳамда Тоҳир Усмоновларнинг лицензиясини олиб қўйди. Маълум бўлишича, улар «Ўзбекконцерт»даги одобнома дарсларига бесабаб келишмаган.