Кўплаб футбол мухлислари Чемпионлар Лигаси финалидаги баҳсда Серхио Рамос атайлаб Муҳаммад Салоҳга жароҳат етказди деб ҳисобламоқда.
Интернет тармоғида эса УЕФА ва ФИФА номига «Реал» ҳимоячисини жазолаш борасида петиция жойлаштирилди, деб ёзади FootballHD.
Петиция муаллифига кўра, Рамос Салоҳга атайлаб жароҳат етказган. Ҳозирга қадар петицияни 183 576 киши имзолаб бўлди.
Маълумот учун ЕЧЛ финал учрашувида Рамос ва Салоҳнинг тўп учун курашида мисрлик футболчи елкасидан жароҳат олиб, майдонни биринчи бўлимнинг ўзидаёқ тарк этганди. Ўша пайтда ҳисоб 0:0 кўринишида бўлиб турганди. Ўйин эса 3:1 ҳисобида мадридликларнинг ғалабаси билан якунланди.
Изоҳ (0)