Фарғонада коллеж ўқувчилари ўртасида «Ёш ёнғин ўчирувчи» мусобақаси ўтказилди. Бу ҳақда «Дарё» мухбири Азизжон Эрматов хабар бермоқда.
Мусобақада туман босқичларида сараланган 19 та жамоа ўзаро беллашди. Жами 152 нафар ўқувчи қатнашди. Иштирокчилар 400 метрга ўт ўчирувчилар эстафетаси, 100 метрга тўсиқлар оша югуриш, нарвонда ўқув минорасининг 2—3-қаватига кўтарилиш каби шартларни бажаришди. Савол-жавоб асосида ёнғин хавфсизлигига оид билимлар синовдан ўтказилди.
Мусобақада Олтиариқ тумани жамоаси ғолиб бўлди. Кейинги ўринларни Фарғона тумани ва Фарғона шаҳри ёш ўт ўчирувчилари эгаллади.
Мусобақа Ички ишлар вазирлиги Ёнғин хавфсизлиги бош бошқармаси, Ёшлар иттифоқи, Олий ва ўрта махсус таълим вазирлиги, Халқ таълими вазирлиги ҳамкорлигида ўтказилди.
Изоҳ (0)