Бекобод шаҳридаги 5-мактабнинг 1-«Ж» синфида ўқийдиган тўрт нафар ўқувчи уй вазифасига берилган шеърни ёдлаб келмагани учун, ўқитувчи Муборак Ҳамдамова жазо тариқасида уларнинг пешонасига «2» баҳо қўйган. Муборак Ҳамдамова ўқувчиларнинг пешонасига икки қўйганидан хабар топган мактабнинг бошқа бир ўқитувчиси — Саодат Раҳмонова орадан икки-уч кун ўтиб, ўзи болаларни йиғиб, қайтадан уларнинг пешонасига «2» баҳо қўйган, уларни суратга тушириб, суратларни интернетга чиқариб юборган. Бу ҳақда «Ёшлар» телеканалининг «Давр» информацион дастурида маълум қилинди.
«Маълум бўлишича, бу икки ўқитувчи ўртасида ўзаро низо бўлган», — дейилади «Дарё» лавҳасида.
Пешонамга икки баҳони Саодат устоз қўйди. Ҳаммамизни Damas’да олиб келиб, кейин синфхонамизга олиб бориб, бизни қўрқитди: «Эшикни орқасида милиция турибди, бир йилга қаматворади», деб. Кейин расмга олиб, шундан кейин салфетка бериб, ўчирворинглар, деди.Мактаб психологи Ҳосият Омонова ҳам юқоридаги фикрларни тасдиқлаган.Жабрланувчи ўқувчилардан бирининг «Давр»га берган интервьюсидан
Синф раҳбари шеърни ёдламагани учун, жазо сифатида ўқувчиларнинг пешонасига икки қўйгани рост. Ўзи ҳам тан олган, болалар ҳам айтди. Лекин орадан уч кун ўтгач, Саодат исмли ўқитувчи бу хабарни билиб қолиб, бундан фойдаланиб, дарсдан сўнг учала болани «Сизларни лавашга олиб бораман» деб чақириб олиб, иккини қўйиб, расмга тушириб, сўнг ўчириб, кейин лавашга олиб борган.Мактаб директори Дилфуза Бобомуродова буни «шармандагарчилик» деб баҳолаган.Ҳосият Омонова, Бекободдаги 5-мактаб психологи
Биз учун бу шармандачилик. Биз устозлармиз. Биз учун бу ҳақиқатан ҳам шармандачилик. Мен бунда ўзимни айблайман, мактаб раҳбари сифатида тўрт ўқувчининг пешонасига икки баҳо қўйган ўқитувчини тўхтатиб қолиш менинг қўлимдан келмади.Эслатиб ўтамиз, ушбу воқеа жамоатчиликка маълум бўлганидан сўнг, мактаб директори ҳам, болаларнинг пешонасига «2» баҳо қўйган икки ўқитувчи ҳам ишдан ҳайдалган.Дилфуза Бобомуродова, Бекободдаги 5-мактабнинг собиқ директори
Изоҳ (0)