Тоҳир Мирҳидоятов «Сувсоз» Давлат унитар корхонаси бошқарувчиси лавозимига тайинланди. Бу ҳақда бош вазир иштирокида бўлиб ўтган йиғилиш чоғида маълум қилинди, деб хабар беради ҳокимлик ахборот хизмати.
Бунга қадар Тоҳир Мирҳидоятов «Тошкент агро захира хизмат» Давлат унитар корхонаси директори лавозимида ишлаган.
Тоҳир Мирҳидоятов 1960 йилда Тошкент шаҳрида туғилган. Тошкент темир йўл муҳандислари институтини 1982 йилда тамомлаган. 2003—2012 йилларда «Сувсоз» Давлат унитар корхонаси бошқарувчиси, 2012—2015 йилларда Қурилиш ва инвестиция дастурлари департаменти бошлиғи, 2015—2017 йилларда Тошкент шаҳар Чилонзор тумани ҳокими лавозимларида ишлаган.
Изоҳ (0)