«Менинг фикрим» жамоавий мурожаатлар порталига умумий кир ювиш хизматлари корхоналарини ташкил этиш таклифи келиб тушди, деб хабар беради «Халқ сўзи».
Таъкидланишича, ҳозирги кунда ичимлик суви муаммоси борган сари долзарблашиб бормоқда. Сувни қайта ишлаш ва тозалаш харажатлари ҳақида ҳам шундай фикрларни билдириш мумкин. Бунинг устига Ўзбекистонда ичимлик суви етиб бормаган аҳоли пунктлари мавжуд. Ана шундай жойларда муаммоларни енгиллаштириш ва ичимлик суви сарфини тежаш мақсадида бир неча маҳаллалар учун пулли хизмат кўрсатувчи Умумий кир ювиш хизматлари корхоналари фаолиятини йўлга қўйиш таклиф этилмоқда.
«Биринчидан, кир ювиш учун ичимлик сувидан кўра, арзонроқ ва ювишга кўпроқ мос келувчи сувни ажратиш экология ва иқтисодиётга фойда келтиради. Иккинчидан, кирхонанинг ўзида сувни қайта тозалаш нисбатан арзонроққа тушади. Ва ниҳоят, учинчидан, бу қўшимча иш ўринлари яратиш имконияти ҳамдир», — дейилади хабарда.
Изоҳ (0)