Ўзбекистонда «Хавфсиз шаҳар» тизимини жорий қилиш учун тайёрлаш муддатлари тасдиқланди

Вазирлар Маҳкамаси қарори билан «Хавфсиз шаҳар» лойиҳасини амалга ошириш бўйича босқичма-босқич чора-тадбирлар ва ягона технологик ёндашув тасдиқланди, деб ёзади Spot.

1 октябргача «Хавфсиз шаҳар» тизимини яратиш ва янада ривожлантириш бўйича янги концепциянинг келишилган лойиҳаси «Хавфсиз шаҳар» аппарат-дастурий комплекси лойиҳасини амалга оширишни мувофиқлаштириш комиссиясига киритилади. 1 декабргача эса «Хавфсиз шаҳар» АДКни яратиш ва ривожлантириш бўйича бош техник топшириқ ишлаб чиқилади.

«Хавфсиз шаҳар» АДКни яратиш бўйича бош техник топшириқ тасдиқлангандан кейин икки ой муддатда «Хавфсиз ҳудуд», «Хавфсиз туризм», «Хавфсиз дам олиш», «Самарқанд шаҳридаги 112 ягона навбатчилик-диспетчерлик хизмати», «Хавфсиз транспорт» лойиҳаларини амалга ошириш дастури тасдиқланади.

Ўша пайтда кузатув воситаларини лойиҳалаштириш, ўрнатиш, монтаж қилиш, созлаш, таъмирлаш ва уларга техник хизмат кўрсатиш, шу жумладан видеокузатув соҳасидаги фаолиятни йўлга қўйиш ишларини тартибга солиш юзасидан Вазирлар Маҳкамасига таклиф киритилади.