Йил бошидан буён Ўзбекистонда импорт ҳажми экспортникидан қарийб 1,5 миллиард долларга ошиб кетди, деб ёзади Spot Давлат статистика қўмитаси маълумотларига таяниб.
Республикада ташқи савдо айланмаси 2018 йил январь апрель ойларида 11,3 миллиард долларни, шу жумладан экспорт 5,0 миллиард долларни ва импорт 6,3 миллиард долларни ташкил қилди
Экспорт таркибида энергия манбалари ва нефть маҳсулотлари ўтган йилнинг шу даврига нисбатан 66,2 фоизга ўсиши табиий газнинг 1,9 мартага ошгани ҳисобига тўғри келмоқда. Кимё маҳсулотлари ва ундан тайёрланган буюмлар эса 7,3 фоизга ўсди, шундан пластмасса ва пластмасса буюмларининг экспорти 16,7 фоизга ошди.
Мева-сабзавот маҳсулотлари экспортининг ўтган йилнинг шу даврига нисбатан 41,6 фоизга ўсиши озиқ-овқат маҳсулотлари экспорти ҳажмининг 41,9 фоизга ўсишига олиб келди.
Импорт таркибида асосий улуш машина ва асбоб-ускуналар (умумий импорт ҳажмида 32,5 %) ва кимё маҳсулотлари ва ундан тайёрланган буюмлар (12,3 %) ҳисобига тоғри келмоқда.
Энг кўп хизматлар импорти ўсди — январь мартда уларнинг ҳиссасига умумий ҳажмнинг 8 фоизи тўғри келган бўлса, январь апрель якунларига кўра, бу кўрсаткич 23,1 фоизга етди. Бу пул кўринишида 1,46 миллиард долларга тенг, ўсиш суръати 565 фоизни ташкил қилди.
Хизматлар экспортидаги ўсиш эса аҳамиятсиз даражада — январь мартда умумий ҳажмнинг 27,1 фоизига тенг бўлган бўлса, январь апрелда — 29,6 фоизни ташкил қилди.
Изоҳ (0)