Ўзбекистонлик шеърхонлар Россиянинг Пятигорск шаҳрида кўча шеърияти марафонида қатнашди, деб ёзади Sputnik маҳаллий ОАВларга таяниб.
«Фестиваль максимал даражада очиқ, бу ерда мураккаб форматлар ва парадигмалар, қатъий талаблар йўқ. Бу ўзига хос кўчалар тили — Майаковский орзу қилган ва гапирган нарса», — деди Пятигорск давлат университети адабий ижодиёт бўлими раҳбари Вячеслав Шулженко.
Фестивалда жами 150 киши қатнашди, улар орасида Германиянинг Дортмунд шаҳридан келган адабиётшунослар, шунингдек, Арманистон ва марокашлик талабалар ҳам бор эди.
Нашр эслатишича, март ойида Тошкентда рус шеърияти ўқувчилари ўртасида танлов ўтказилган эди. Танловда Тошкент шаҳри ва вилоятидаги коллеж ва лицей ўқувчилари қатнашиб, таниқли рус шоирларининг шеърларини ва рус тилига таржима қилинган ўзбек шеърияти асарларини ёддан ўқиб берган эди.
Изоҳ (0)