Германиядаги Макс Планк номидаги жамиятнинг инсон ривожланиши институти олимлари Кениядаги Панга-я-Саиди ғоридан қадимий одамлар манзилгоҳини топди. Бу ҳақда «РИА Новости» хабар берди.
Панга-я-Саиди ғорлар тизмаси бўлиб, уларнинг умумий узунлиги 1000 метрни ташкил қилади.
Панга-я-Саиди қирғоқдан 15 километр узоқликда жойлашган бўлиб, бу масофа турли даврларда сувнинг баландлигига қараб ўзгариб турган. Тадқиқотчиларнинг фикрича, ғордаги одамлар балиқ тутмаган, ов ва термачилик билан шуғулланган.
Топилма натижасида қилинган кашфиётлар шуни исботлайдики, одамлар ривожланган қуролларга босқичма-босқич ўтган ва тошга ишлов беришни ўрганган. Панга-я-Саиди ғорида топилган тош қуроллар бундан 78 минг йил илгари яратилган, 67 минг йил олдин эса ўқ-ёй такомиллашишни бошлаган.
Изоҳ (0)