Япониялик олимлар биринчи қон гуруҳи бошқа қон гуруҳларига қараганда, оғир шикастланишлардан ўлиш хавфининг қарийб уч марта ошиши билан боғлиқ, деган хулосага келди. Тадқиқот Critical Care журналида чоп этилди.
Мутахассислар эрта ўлим билан туговчи ёки узоқ давом этувчи қайта тикланишни талаб қилувчи шикастланишларни олган биринчи қон гуруҳидаги беморларнинг вафоти эҳтимоли ўртача 28 фоизга тенглигини кўрсатиб берди. Бошқа қон гуруҳидаги жабрланувчиларда эса бу кўрсаткич 11 фоизни ташкил этади.
Олимлар аниқлик киритишича, биринчи қон гуруҳига тегишли одамларнинг қони бошқа гуруҳлардагидан ёмонроқ ивиши туфайли, уларда қон йўқотиш хавфи юқорироқ. Бундай ҳолатлар, мутахассислар фикрича, биринчи гуруҳ қонида фон Виллербранд фактори (қон плазмаси гликопротеини) кам миқдорда бўлиши билан боғлиқ.
Изоҳ (0)