Россиялик олимлар дунёда биринчи бўлиб музлатилган қурбақа юрагини қайта тиклашга муваффақ бўлди. Бу ҳақда Илғор тадқиқотлар жамғармасининг лойиҳалар гуруҳи раҳбари профессор Анатолий Ковтунга асосланиб, «РИА Новости» хабар берди.
«Илғор тадқиқотлар жамғармаси изоляция қилинган тирик тўқималар ва инсон органларини чексиз вақт давомида сақлаш технологиясини яратиш устида илмий иш олиб бормоқда. Бизнинг алоҳида фахримиз — бу минус 196 даража Цельсийда 45 кун давомида сақланган қурбақа юрагини қайта тиклашга муваффақ бўлганимиз», — дейди Ковтун.
Бундан ташқари олимлар 4 даража илиқ ҳароратда 24 соат давомида сақланган каламуш юрагининг функционал фаоллигини қайта тиклашга ҳам эришган.
«Каламуш-реципиентларнинг гипотермик сақланган юраклари муваффақиятли кўчириб ўтказилди. Мавжуд технологиялар ёрдамида юракни 6 соатгача сақлаш мумкин», — дейилади хабарда.
Изоҳ (0)