Туркия Олий сайлов комиссияси 24 июнь куни мамлакатда бўлиб ўтадиган президентлик сайловларида иштирок этувчи барча номзодлар исмини эълон қилди. Бу ҳақда, Туркиянинг Resmi Gazete нашрига таяниб, «Вести Кавказа» хабар берди.
Президентлик лавозими учун курашда амалдаги президент Ражаб Тоййиб Эрдўғон, яқинда ташкил этилган «Яхши партия» номзоди Мерал Акшенер, «Саодат» партияси номзоди Темел Карамоллаўғли, Халқ-республика партиясидан Муҳаррам Инже, «Ватан» партиясидан Доғу Перинчек, «Адолат» партиясидан Вежет Ози, Халқ-демократлар партиясидан Салоҳиддин Демирташ иштирок этади.
Эслатиб ўтамиз, жорий йилнинг 24 июнь санасида Туркияда президентлик сайловлари билан бирга парламент сайловлари ҳам бўлиб ўтади.
Изоҳ (0)