Rossiya prezidenti Vladimir Putin Qozog‘iston prezidenti Nursulton Nazarboyevning uzoqni ko‘ra bilishi, shuningdek, boshqaruvchilik qobiliyatidan hayratda ekanligini bildirdi. Bu haqda Rossiya prezidenti Qozog‘iston teleradiokompleksi rahbari Yerlan Bekxojinga bergan intervyusida ma’lum qildi, deb xabar beradi “TASS”.
“To‘g‘risini aytganda, Nursulton Abishevich Sobiq ittifoq odami bo‘lsada doimo kelajakka intilgani bilan meni hayron qoldirib kelgan va hamon hayron qoldirishni davom etmoqda”, — deydi Putin.
Shuningdek, Putin Nazarboyevning ishlarni samarali tashkil etish qobiliyatini ham alohida ta’kidlab o‘tdi. “U o‘z atrofiga uzoqni ko‘ra biluvchi va samarali mehnat qiluvchi odamlarni, shuningdek, kuchli insonlarni to‘plashdan qo‘rqmaydi. Bu har qanday kuchli rahbarning o‘ziga xos belgisidir”, — deya qayd etadi Putin.
Izoh (0)