Тошкентда «Буюк келажак» халқаро нодавлат нотижорат ташкилоти фаолияти тақдимотига бағишланган матбуот анжумани ташкил қилинди. Хориждаги юртдошлардан иборат «Буюк келажак» экспертлар кенгаши ташкилотнинг ахборот-таҳлилий бўлинмаси ҳисобланади. Бу ҳақда «Халқ сўзи» хабар бермоқда.
Тадбирда таъкидланганидек, мамлакатда иқтисодиётни либераллаштириш, давлат ва жамият ҳаётини ислоҳ этиш борасида кенг кўламли ишлар амалга оширилмоқда. Мазкур жараёнда халқаро тажриба ҳамда илмий ёндашувлардан самарали фойдаланиш муҳим аҳамиятга эга. Бинобарин, дунёнинг ривожланган мамлакатларидаги компанияларда, илмий-тадқиқот муассасаларида, олий ўқув юртларида кўплаб ўзбекистонлик мутахассислар муваффақиятли фаолият юритмоқда.
Тадбир доирасида Токио, Истанбул, Москва, Брюссель, Лондон, Женева, Торонто, Копенгаген, Нью-Йорк, Сан-Франциско, Дубай сингари шаҳарларда истиқомат қиладиган юртдошлар билан телекўприк орқали мулоқот қилинди.
Тақдимотда ташкилотнинг яқин истиқболдаги фаолияти, кўзда тутилаётган лойиҳалар ҳақида атрофлича маълумот берилди.
Изоҳ (0)