Россия президентининг «ФИФА 2018 – Россияда футбол бўйича жаҳон чемпионатини ўтказиш даврида хавфсизликни кучайтириш чора-тадбирлари тўғрисидаги» фармонига мувофиқ Россия федерацияси субъектларининг 2018 йил футбол бўйича жаҳон чемпионатини ўтказиш билан боғлиқ ҳудудларида ҳамда улар атрофида кучайтирилган хавфсизлик чоралари қўлланилади ва ушбу ҳудудлар учун чет эл фуқароларини рўйхатдан ўтказиш қоидаларига ўзгаришлар киритилади, деб хабар беради ТИВ матбуот хизмати.
Фармонга мувофиқ, 2018 йилнинг 25 майидан 25 июлигача Москва, Санкт-Петербург, Волгоград, Екатеринбург, Қозон, Калининград, Нижний Новгород, Ростов-Дон, Самара, Саранск ва Сочи шаҳарларида чет эл фуқароларини рўйхатга қўйиш муддати Россияга кириб келган кундан эътиборан 1 кун қилиб белгиланди.
«Ўзбекистон Республикаси фуқаролари ушбу ўзгаришларга алоҳида эътибор беришлари зарур, акс ҳолда рўйхатдан ўтиш юқорида кўрсатилган муддат ичида амалга оширилмаса, бу ҳолат маъмурий қонун бузилиши деб баҳоланади ва кейинчалик Россия ҳудудига киришни тақиқлашга олиб келиши мумкин», — дейилади хабарда.
Изоҳ (0)