«Ҳокимнинг бир иш куни» лойиҳаси доирасида Шайхонтоҳур тумани ҳокими Баҳодир Ғойибназаров узоқ йиллардан буён фаолият юритмай келаётган «Чорсу» меҳмонхонаси ҳақида маълумот берди. Бу ҳақда ЎзА ёзмоқда.
Турк инвесторлари уни капитал реконструкция қилади. Бу борада тегишли келишувлар амалга оширилган. Яқин кунлар ичида дастлабки ҳаракатлар бошланади. Меҳмонхона 2019 йилгача ишга туширилиши айтилди.
Бир пайтлар пойтахт кўрки ҳисобланган муҳташам «Чорсу» меҳмонхонаси сўнгги 12 йилда деярли қаровсиз ҳолга келиб қолган эди. Эндиликда туризмни ривожлантириш, пойтахтда кўламли ислоҳотларни амалга ошириш жараёнида мазкур меҳмонхона ҳам қаддини тиклаб, сайёҳлар ва шаҳар меҳмонларининг сўлим гўшасига айлантирилади.
Изоҳ (0)