Фарғонадаги авиаҳалокат қурбонлари ҳақида илк ахборот, дарахт кесувчиларга қарши кураш бошлаган Тошкент ҳокими, Ўзбекистонга тўрт ойда юборилган 1,3 млрд доллар ва куннинг бошқа муҳим хабарлари

8 майнинг эътиборга молик янгиликлари — «Дарё»нинг кечки дайжестида.

1. Ўзбекистонга чет элдан пул ўтказмалари ҳажми 1,3 миллиард долларни ташкил қилди. Бу маблағнинг 28,5 миллион долларлик қисми миллий валютада олинган.

2. Хизмат вазифасини адо этаётганида мардларча ҳалок бўлган майор Элёр Чориев хотирасига бағишланади. Фарғонада бир ярим йил аввал юз берган вертолёт ҳалокатининг қурбонларидан бири ҳақида илк бор ахборот берилди.

3. Тошкент шаҳар ҳокими шаҳарда дарахтларнинг аёвсиз кесилиши ҳолатларини ўз назоратига олади. Сўнгги бир неча кундан бери ижтимоий тармоқларда Тошкентда катта дарахтларни кесиш ҳолатлари қайтадан оммавий тус олгани ҳақида хабарлар пайдо бўлган эди.

4. «Ҳокимнинг бир куни»: Чилонзор туман ҳокими нималар билан банд? «Ҳокимнинг бир куни» тадбири доирасида Тошкент шаҳридаги барча туман ҳокимларига ОАВ мухбирлари кун бўйи ҳамроҳлик қилмоқда.

5. Генерал Собир Раҳимов ҳайкали аввалги жойига қайтарилди. Президент Шавкат Мирзиёев Наманган вилоятининг Норин туманида бўлиб ўтган фаоллар йиғилишида генерал ҳайкалини эски жойига кўчиришни таклиф қилганди.