Гавайи оролида ҳаракатга келган Килауэа вулқони 31 та уйни вайрон қилди. Бу ҳақда AP агентлигига асосланиб, «Ведомости» хабар берди. Маълумотлар маҳаллий ҳудуд ҳаводан туриб суратга олиш ишлари якунланганидан сўнг янгиланган.
Округ вакили Жанет Снайдернинг сўзларига қараганда, «ушбу рақамлар ўзгариши мумкин».
Вайрон бўлган уйлар Леилани-Эстейтс ҳудудида жойлашган. Вулқон лаваси 61 метр баландликкача отилмоқда. У ҳозирда 36 минг квадрат метр ҳудудни эгаллаб олишга улгурган. Лава юзасидаги ҳарорат Цельсий бўйича 1150 даражани ташкил этмоқда.
Табиий офат ёпирилган ҳудуддан 1700 киши эвакуация қилинган.
Изоҳ (0)