Қашқадарё вилоятининг Деҳқонобод туманида 2 май куни икки кишининг ўлимига олиб келган йўл-транспорт ҳодисаси содир бўлди. Бу ҳақда ИИВ жамоатчилик ва ОАВ билан алоқалар бошқармаси маълум қилди.
Шу куни соат 23:30 атрофида Сурхондарё вилоятининг Шеробод туманида яшаган, 1994 йилда туғилган Ш.Ашуров Nexia русумли автомашинасини M-39 «Тошкент—Термиз» йўлининг 1314-километрида ҳайдаб кетаётиб, йўл четидаги бетон тўсиққа бориб урилди.
Ҳодиса оқибатида ҳайдовчи Ш.Ашуров ва унинг йўловчиси, 1992 йилда туғилган Ф.Худойқулова жароҳат олиб, воқеа жойида ҳалок бўлди.
Суриштирув ишлари олиб борилмоқда.