Тошкентда Cobalt ҳайдовчиси ЙПХ инспекторини уриб юборди

Тошкент шаҳрининг Мирзо Улуғбек туманида 2 май куни ЙПХ инспектори билан боғлиқ ҳодиса рўй берди. Бу ҳақда ИИВ жамоатчилик ва ОАВ билан алоқалар бошқармаси маълум қилди.

Шу куни соат 19:00 атрофида “Тошкент Авто Агент” МЧЖ ҳайдовчиси Ш.А ўзига бириктирилган Cobalt русумли машинани Мирзо Улуғбек—Дўрмон йўли кўчалари чорраҳасида ҳайдаб кетаётиб, шу ҳудудда хизмат олиб бораётган йўл-патруль хизмати инспектори, кичик сержант Ю.Султоновни уриб юборди.

Ҳодиса туфайли Ю.Султонов жароҳат олиб, касалхонага ётқизилди. Суриштирув ишлари олиб борилмоқда.