1 майнинг эътиборга молик янгиликлари — «Дарё»нинг кечки дайжестида.
1. Президентга хат ёзган боланинг оиласига 5 хонали уй совға қилинди. Хатида у онаси билан ижара уйда яшашга, доимий кўчиб юришга мажбур эканини ёзган.
2. Шавкат Мирзиёев Тошкент ҳокими ҳақида: «Биринчи марта бизнесмен ҳоким бўлди». Ўзбекистон Президенти турк бизнесменлари қаршисида нутқ сўзлаётиб, уларга пойтахтнинг янги ҳокими — Жаҳонгир Ортиқхўжаевни таништирди.
3. БМТ эскпертлари Ўзбекистонга мурожаат қилиб, асбестдан фойдаланмасликка чақирди. БМТ мурожаат қилган мамлакатлар орасида, Ўзбекистондан ташқари, Қозоғистон ва Туркманистон ҳам бор.
4. Азиз Абдуҳакимов: Ўзбекистонга аслида 2,5 миллион эмас, 200 минг сайёҳ келган. Кучли баёнот.
5. Бухорода ағдарилган автобуснинг 4 нафар йўловчиси касалхонага ётқизилди. Қорақалпоғистонда Lada Largus ағдарилиши оқибатида 2 киши ҳалок бўлди.
6. Ўзбекистонда апрель ойида гўшт маҳсулотлари қимматлашгани маълум қилинди. Шунингдек, апрель ойида метан қимматлашиб, пропан нархи тушгани айтилмоқда.
7. Шомаҳмудовлар оиласи ҳайкали «Истиқлол» санъат саройи қаршисидаги майдонга кўчирилмоқда. Монументни кўчириш ҳақидаги таклиф Ўзбекистон Президенти Шавкат Мирзиёев томонидан берилган эди.
8. Тошкентнинг Бунёдкор ва Чўпонота кўчалари кесишмасидаги кўприк келгуси ойда фойдаланишга топширилади. Икки ярим ой аввал кўприк май ойида фойдаланишга топширилиши ваъда қилинган эди.
9. Видео: Эгизак Арвеладзелар Ўзбекистон ва Туркия президентлари билан учрашди. Шота Арвеладзе Тошкентнинг «Пахтакор» футбол клуби бош мураббийи, унинг эгизаги — Арчил Арвеладзе ҳам «Пахтакор» тизимида ишлаяпти.
10. Саудиялик фотограф ар-Риёд осмонидаги қум бўрони тасвирларидан таймлапс тайёрлади. У қиёматни эслатади.
Изоҳ (0)