1-mayning e’tiborga molik yangiliklari — “Daryo”ning kechki dayjestida.
1. Prezidentga xat yozgan bolaning oilasiga 5 xonali uy sovg‘a qilindi. Xatida u onasi bilan ijara uyda yashashga, doimiy ko‘chib yurishga majbur ekanini yozgan.
2. Shavkat Mirziyoyev Toshkent hokimi haqida: “Birinchi marta biznesmen hokim bo‘ldi”. O‘zbekiston Prezidenti turk biznesmenlari qarshisida nutq so‘zlayotib, ularga poytaxtning yangi hokimi — Jahongir Ortiqxo‘jayevni tanishtirdi.
3. BMT eskpertlari O‘zbekistonga murojaat qilib, asbestdan foydalanmaslikka chaqirdi. BMT murojaat qilgan mamlakatlar orasida, O‘zbekistondan tashqari, Qozog‘iston va Turkmaniston ham bor.
4. Aziz Abduhakimov: O‘zbekistonga aslida 2,5 million emas, 200 ming sayyoh kelgan. Kuchli bayonot.
5. Buxoroda ag‘darilgan avtobusning 4 nafar yo‘lovchisi kasalxonaga yotqizildi. Qoraqalpog‘istonda Lada Largus ag‘darilishi oqibatida 2 kishi halok bo‘ldi.
6. O‘zbekistonda aprel oyida go‘sht mahsulotlari qimmatlashgani ma’lum qilindi. Shuningdek, aprel oyida metan qimmatlashib, propan narxi tushgani aytilmoqda.
7. Shomahmudovlar oilasi haykali “Istiqlol” san’at saroyi qarshisidagi maydonga ko‘chirilmoqda. Monumentni ko‘chirish haqidagi taklif O‘zbekiston Prezidenti Shavkat Mirziyoyev tomonidan berilgan edi.
8. Toshkentning Bunyodkor va Cho‘ponota ko‘chalari kesishmasidagi ko‘prik kelgusi oyda foydalanishga topshiriladi. Ikki yarim oy avval ko‘prik may oyida foydalanishga topshirilishi va’da qilingan edi.
9. Video: Egizak Arveladzelar O‘zbekiston va Turkiya prezidentlari bilan uchrashdi. Shota Arveladze Toshkentning “Paxtakor” futbol klubi bosh murabbiyi, uning egizagi — Archil Arveladze ham “Paxtakor” tizimida ishlayapti.
10. Saudiyalik fotograf ar-Riyod osmonidagi qum bo‘roni tasvirlaridan taymlaps tayyorladi. U qiyomatni eslatadi.
Izoh (0)