Бухоро вилоятининг Жондор туманида 29 апрель куни соат 10:50 атрофида Ғиждувон туманида яшовчи Ж.Музаффаров Setra русумли автобусни туман ҳудудидан ўтувчи А-380 «Ғузор-Бухоро-Нукус-Бейнеу» автомобиль йўлининг 319-километрида ҳайдаб кетаётганда орқа ғилдирак баллони ёрилиб кетиши оқибатида автобус йўл четига чиқиб, ағдарилди. Бу ҳақда ИИВ жамоатчилик ва ОАВ билан алоқалар бошқармаси хабар берди.
ЙТҲ туфайли автобуснинг 49 йўловчисидан 4 нафари жароҳат олиб, касалхонага ётқизилди.
Шунингдек, 26 нафар йўловчига тиббий ёрдам кўрсатилди.
Қолган 19 нафар йўловчи жароҳатланмаган.
Изоҳ (0)