Россиянинг Niva Greenhouses компаниялар гуруҳи Хоразм вилоятининг Урганч шаҳри ва Янгиариқ туманида майдони бир гектар бўлган иккита иссиқхона қуради. Иккита лойиҳа ҳам жорий йилнинг июль ойида якунланиши ва август ойида сабзавотлар экилиши режалаштирилган. Бу ҳақда Spot хабар берди.
Компания Хоразм вилоятида ўз ваколатхонасини очган. Иссиқхоналар йилига бир гектардан камида 200 тонна ҳосил бериши кутилмоқда.
Иссиқхоналар Голландиянинг замонавий автоматик суғориш, микроиқлимни бошқариш, томни ёпиш тизими билан жиҳозланади. Газ таъминотидаги узилишлар ҳисобга олинган ҳолда, иссиқхоналарда иситиш қозонлар жойлаштирилган. Урганчдаги иссиқхонада қозонлар кўмир ва газда ишлайди, Янгиариқда эса газ ва дизел ёқилғисидан фойдаланилади.
Изоҳ (0)