Тошкент шаҳрининг Бунёдкор ва Чўпонота кўчалари кесишмасидаги кўприк «Ўзбекистон темир йўллари» акциядорлик жамиятига қарашли «Кўприк қурилиш трести» унитар корхонаси мутахассислари томонидан қурилмоқда. Бу ҳақда «Халқ сўзи» хабар берди.
Йўл ўтказгичнинг умумий узунлиги 667,5 метрни ташкил этади. Эстакада қисмининг узунлиги 488,5 метр бўлиб, баландлиги 8, кенглиги 24,5 метрни ташкил этади. Йирик иншоот жами 21 та устун оралиғида барпо этилмоқда.
Бу ерда пиёдалар учун ҳам қатор қулайликлар яратилади. Хусусан, умумий узунлиги 124 метр бўлган иккита пиёдалар ўтиш кўприги қурилади, шунингдек, ёши кекса ва ногиронлар учун махсус лифт ҳамда эскалатор ўрнатилади.
Йўл ўтказгичнинг ёритиш тизими ҳам жаҳон андозаларига мос равишда бўлади.
Янги кўприк жорий йилнинг июнь ойида фойдаланишга топширилади. Олдинроқ бу муддат сифатида май ойи келтирилганди.
Изоҳ (0)