«Ливерпуль»нинг германиялик ярим ҳимоячиси Эмре Жан фаолиятини Туриннинг «Ювентус» жамоасида давом эттиради. Бу ҳақда «Sports.ru» хабар берди.
24-ёшли Эмре Турин суперклуби билан 5 йиллик келишувга эришган ва тез орада шартнома имзоланади. Қайд этилишича, ҳозирда шартноманинг ҳал этилиши лозим бўлган кичик масалалари қолган, холос.
Жан «Ювентус»да йилига 6 миллион евро маош ишлаб топади. Германиялик ярим ҳимоячига, шунингдек, «Бавария» ҳамда ПСЖ жамоалари ҳам қизиқиш билдирган эди. Аммо у ўзига асосий таркибда жой кафолатлашга ваъда берган «Ювентус» фойдасига қарор чиқарди.
Футболчи ушбу мавсумда 26 та ўйинда 3 та гол уриб, 5 та голли узатмани амалга оширди.
Изоҳ (0)