Бугун,

  • USD 11095.31
  • RUB 173.84
  • EUR 10772.44

Про-Лиганинг «А» гуруҳи 4-туридан кейин 8 очко билан 4-ўринни эгаллаб турган Ғузорнинг «Шўртан» клубидан 3 очко олиб ташланди. Бу ҳақда ПФЛ ахборот хизмати маълум қилди.

Фото: ПФЛ

Фото: ПФЛ

Қайд этилишича, қарор Ўзбекистон футбол ассоциацияси Ижроқўми бюроси томонидан тасдиқланган. Бунга сабаб эса «Шўртан» ҳамда черногориялик футболчи Предраг Вуйович ўртасидаги можаро ҳали якунига етмаган. ФИФА Интизом қўмитаси Ғузор клубига дастлабки санкцияларни қўллаш борасидаги илк огоҳлантиришни 2015 йилнинг 9 октябрь куни юборган. Шунга қарамай, «Шўртан» мазкур масала ечимини топмаган.

Ўзбекистон Профессионал футбол лигаси «Шўртан»нинг очколарини 3 тага камайтириб, эндиликда унинг Про-Лигадаги очкоси 8 эмас, 5 та эканини маълум қилади, дейилади хабарда. Агар клуб Вуёвич билан боғлиқ масалани белгиланган муддат ичида ҳал қилмаса, жазо чоралари янада жиддийроқ бўлади.

Маълумот учун  Вуйович «Шўртан» сафида 2011 йилда фаолият олиб борган эди. Кейинчалик ўйинчи «Шўртан»ни ўзининг ойлик маошини тўлиқ бермаганликда айблаб, ФИФАга арз қилган.

Изоҳ
Асосий янгиликлар
Маҳаллий
Саудиялик тадбиркор Ўзбекистонда автомашина эҳтиёт қисмлари ишлаб чиқаришга сармоя киритади 
Маҳаллий
1000 доллар ойлик олаётган ўқитувчилар, 1 млн нафардан ошган талабалар, янги қурилган 27 та ТТЖ — олий таълим вазири ўринбосари Комилжон Каримов билан эксклюзив су...
Маҳаллий
Тошкентда 3 та машина иштирокида ЙТҲ содир бўлди