Жиззах шаҳридаги 34-сонли «Гулчеҳра» давлат мактабгача таълим муассасасида Марказий ҳарбий округ қўмондонлиги томонидан Хотира ва қадрлаш кунига бағишлаб «Ватан азиз, жасорат мангу» мавзусида маданий тадбир ўтказилди, деб хабар беради Мудофаа вазирлиги матбуот хизмати.
Ушбу тадбирда Ёшларни ҳарбий ватанпарварлик руҳида тарбиялаш концепцияси талабларига эътибор қаратилган. Боғчаларда синфхоналарни жиҳозлаш тартиби, турли хил тўгараклар ташкил этиш, тарбияланувчиларга ватанпарварлик руҳида қўшиқ ва шеърларни ўргатиш, болажонлар қалбида ватанпарварлик туйғусини ривожлантириш каби масалалар мазкур концепция йўналишларидан ҳисобланади.
Байрам тадбирида Иккинчи жаҳон уруши қатнашчиси, жиззахлик 94 ёшли Холматбобо Шарипов ҳам иштирок этди. Боғча тарбияланувчилари ёд олган шеър ва қўшиқлари орқали Холмаматбобога Хотира ва қадрлаш куни билан табриклади.
Жиззах гарнизони харбий оркестри жамоасининг концерт дастури тадбирни янада жонлантирди.
Изоҳ (0)