22—27 апрель кунлари Хитой пойтахти Пекин шаҳрида бўлиб ўтган «Мирный рог» бешинчи ҳарбий оркестрлар халқаро фестивалида иштирок этган Ўзбекистон Мудофаа вазирлиги марказий ҳарбий оркестри фестиваль иштирокчи оркестрали ўртасида энг яхши дея эътироф этилди. Бу ҳақда вазирлик матбуот хизмати хабар берди.
Халқаро фестивалда Ўзбекистон Мудофаа вазирлигидан 50 нафар ижодкорлар (40 нафардан иборат ҳарбий оркестр жамоаси ҳамда 10 нафар Қуролли Кучлар Марказий ашула ва рақс ансамбли ижодий ва балет гуруҳи аъзолари) Ўзбекистонда хизмат кўрсатган маданият ходими, «Дўстлик» ордени соҳиби, нафақадаги полковник Павел Макаров раҳбарлиги остида ўз рэпертуарлари билан 24 апрель куни иштирок этди.
Фестиваль дастурида Ўзбекистон ҳарбий санъаткорларининг рэпертуаридан «Буюк ипак йўли» марши, «Саламанка» ва «Соррентога қайт» мусиқали композициялар, машҳур жаз асари «Синг-синг», Хитойда машҳур бўлган эстрада асари «Қаҳрамон» ҳамда балет гуруҳи иштирокида умумхалқ севган миллий асар «Оқ лолалар» ва «Лазги» ўрин олган эди.
Изоҳ (0)