Jizzax shahridagi 34-sonli “Gulchehra” davlat maktabgacha ta’lim muassasasida Markaziy harbiy okrug qo‘mondonligi tomonidan Xotira va qadrlash kuniga bag‘ishlab “Vatan aziz, jasorat mangu” mavzusida madaniy tadbir o‘tkazildi, deb xabar beradi Mudofaa vazirligi matbuot xizmati.
Ushbu tadbirda Yoshlarni harbiy vatanparvarlik ruhida tarbiyalash konsepsiyasi talablariga e’tibor qaratilgan. Bog‘chalarda sinfxonalarni jihozlash tartibi, turli xil to‘garaklar tashkil etish, tarbiyalanuvchilarga vatanparvarlik ruhida qo‘shiq va she’rlarni o‘rgatish, bolajonlar qalbida vatanparvarlik tuyg‘usini rivojlantirish kabi masalalar mazkur konsepsiya yo‘nalishlaridan hisoblanadi.
Bayram tadbirida Ikkinchi jahon urushi qatnashchisi, jizzaxlik 94 yoshli Xolmatbobo Sharipov ham ishtirok etdi. Bog‘cha tarbiyalanuvchilari yod olgan she’r va qo‘shiqlari orqali Xolmamatboboga Xotira va qadrlash kuni bilan tabrikladi.
Jizzax garnizoni xarbiy orkestri jamoasining konsert dasturi tadbirni yanada jonlantirdi.
Izoh (0)