Самарқанд вилоят хотин-қизлар қўмитаси бошқарувининг навбатдан ташқари йиғилиши бўлиб ўтди. Бу ҳақда Самарқанд вилоят ахборот хизматига асосланиб, Sputnik хабар берди.
Ўзбекистон Бош вазири ўринбосари, Хотин-қизлар қўмитаси раиси Танзила Норбоева иштирок этган мажлисда ташкилий масала кўриб чиқилган.
Марҳабо Ғафурова ўз аризасига кўра, Самарқанд вилояти ҳокими ўринбосари, хотин-қизлар қўмитаси раиси вазифасидан озод этилди.
Шу пайтгача Каттақўрғон шаҳар Халқ қабулхонаси мудири вазифасида ишлаб келаётган Ҳамротош Шодиева Самарқанд вилояти ҳокими ўринбосари, хотин-қизлар қўмитаси раиси вазифасини бажарувчи этиб сайланди.
Шодиева Ҳамротош Нормуродовна 1959 йил 17 сентябрда Самарқанд вилояти Каттақўрғон шаҳрида туғилган. Маълумоти — олий. Республика рус тили ва адабиёти педагогика институтини тамомлаган. 2014 йилда буён халқ депутатлари Самарқанд вилояти ва Каттақўрғон шаҳар кенгашлари депутати. 2007 йилда «Меҳнат шуҳрати» ордени билан тақдирланган.
Изоҳ (0)