Гулистон шаҳрида соғлиғи ёмонлашган ва хонадонда қулфланиб қолган ёлғиз аёлга ёрдам кўрсатилди, дея хабар бермоқда Фавқулодда вазиятлар вазирлиги.
Жорий йилнинг 22 апрель куни Сирдарё вилояти Фавқулодда вазиятлар бошқармасининг навбатчилик хизматига вилоят Ички ишлар бошқармасидан Гулистон шаҳрида яшовчи фуқаро У.В. соғлиғи ёмонлашгани ва хонадон эшиги қулфланиб қолганлигини маълум қилиб, хонадон эшигини очиб беришда амалий ёрдам сўраб мурожаат қилган.
Бошқарманинг қутқарув отряди тезкорлик билан кўрсатилган манзилга етиб бориб, махсус анжомлар ёрдамида балкон орқали хонадонга кирди ва соғлиғи ёмонлашган У.В.га керакли ёрдам кўрсатди, бемор малакали тиббий ёрдам олиши учун шифохонага жойлаштирилди.
Изоҳ (0)