Жанубий Корея мудофаа вазирлиги қуролсизлантирилган ҳудудда радиокарнайлар орқали КХДРга қарши эшиттиришлар узатишни тўхтатишини эълон қилди, деб ёзади «Корреспондент.net».
«Умид қиламизки, ушбу чора бир-биримизга қарши тарғиботлар ва ўзаро ҳужумлар бас қилинишига олиб келади», — дейилади муассаса баёнотида.
Таъкидланишича, эшиттиришларнинг тўхтатилиши 2018 йилдаги Жануб ва Шимол саммити арафасида тинчлик муҳитини яратиш ва ҳарбий кескинликни юмшатишга уриниш ҳисобланади.
Жанубий Корея 2015 йилдан буён КХДРга қарши «психологик уруш» олиб бораётган эди, унинг бир қисми сифатида кунига бир неча соатлаб радиокарнайлардан Шимолий Корея тизими ва Пхеньяндаги раҳбариятга нисбатан танқидлар эшиттирилар эди.
Изоҳ (0)