Жорий йилнинг 19—22 апрель кунлари Жиззах вилоятининг Арнасой туманида ҳокимлик, тегишли давлат ва жамоат ташкилотлари вакиллари ва раҳбарлари иштирокида ўқув-амалий семинарлар ўтказилди. Бу ҳақда Савдо-саноат палатаси ахборот хизмати хабар берди.
Семинарда ҳудудларни ижтимоий-иқтисодий ривожлантириш, туманнинг иқтисодий салоҳияти ва ундан самарали фойдаланиш йўналишлари, туманда тижорат банклари, кредит ташкилотлари ва суғурта ташкилотларининг замонавий молиявий хизматларини жорий этиш, солиқ тизими ва солиқ маъмурчилигини ислоҳ қилиш ҳамда бюджетга тўлов интизомини мустаҳкамлашнинг устувор йўналишлари каби мавзуларда давлат ва жамоат ташкилотлари раҳбарлари томонидан тақдимотлар ўтказилди.
Ўзбекистон Савдо-саноат палатаси раисининг биринчи ўринбосари Ислом Жасимов ўз маърузасида ҳудудда қулай ишбилармонлик муҳитини шакллантириш, тадбиркорликни жадал ривожлантириш, моддий ва техник ресурсларидан кенг фойдаланишни кенгайтириш ҳамда истеъмол товарлари ва пуллик хизматлар билан таъминлаш, туманда хизмат кўрсатиш соҳасини ривожлантириш, шунингдек, биринчи навбатда хотин-қизлар ва ёшлар, шу жумладан, уюшмаган ёшлар ҳамда ногиронлиги бўлган шахслар, кам таъминланган оилалар аъзоларининг бандлигини таъминлаш механизмлари ҳақида тўхталиб, батафсил маълумотлар берди.
Семинар ўз ишини 23—25 апрель кунлари Жиззах вилоятининг Ғаллаорол туманида давом эттиради.
Изоҳ (0)