Тошкент шаҳар Йўл ҳаракати хавфсизлиги бошқармаси бошлиғи Барат Маменов 21 апрель куни ОАВ вакиллари билан матбуот анжумани ўтказди, деб ёзади Repost. Саволлардан бири пойтахтдаги автомобиллар юриши учун ёпиқ бўлган Пушкин кўчаси ҳақида бўлди.
Маменов эски йўлларни очиш масаласи бошқарма ваколатига кирмаслигини ва бошқа даражада ҳал қилинишини айтди. Аммо уни ушбу кўчада автомобиллар ҳаракатининг йўқлиги хавфсизлик нуқтаи назаридан қониқтиришини таъкидлади.
Пушкин кўчаси — 1865 йилдан кейин қурилган, шаҳарнинг энг эски кўчаларидан бири. 2008 йил майидан бошлаб кўчага Мустақиллик номи берилган. Кўчада ҳаракат тикланиши ҳақидаги саволлар Тошкентда илгари ёпиқ бўлган кўчалар яна очила бошлаганидан кейин кўтарилди.
Изоҳ (0)