UzCard компанияси карталар ҳисобини нақд пул билан тўлдириш мумкин бўлган (cash-in) банкоматлар устида иш олиб борилаётганини маълум қилди, деб ёзади Spot.
Аввалроқ UzCard Ўзбекистонда карталар ҳисобини нақд пул билан тўлдириш мумкин бўлган банкоматлар пайдо бўлиши ҳақида маълум қилган эди.
Энди эса ушбу лойиҳага хорижий компаниялар, шу жумладан, Литванинг Penki International компаниялар гуруҳи қўшилгани маълум бўлди, унинг вакиллари Ўзбекистонга апрель бошида келиб кетган эди.
Нақд пулларни қабул қилиш функциясига эга бўлган банкоматлар (cash-in) одамлар гавжум жойлар: метро, бозорлар ва савдо марказларига ўрнатилади. Банкоматлар турига қараб купюраларни икки усул: дасталаб ёки бир купюрадан қабул қилади.
Биринчи ҳолатда машина пул дастасини ўзи ҳисоблайди ва экранга умумий суммани чиқаради. Иккинчи ҳолатда ҳар бир купюрани алоҳида қўйиш лозим.
Ҳисобни тўлдириш учун банкоматга картани жойлаб, нақд пулларни киритиш ва экрандаги менюдан керакли функцияни танлаш кифоя.
Изоҳ (0)