2016 йилда Ўзбекистоннинг 13,7 мингдан ортиқ фуқароси расман Евроиттифоқ ҳудудида истиқомат қилган. Польша чегара хизмати маълумотлари шундан далолат бермоқда, дея хабар беради «Podrobno.uz».
«Ўзбекистоннинг 2,2 мингдан ошиқ фуқароси Чехияда, 2 минг нафари Польша, 1900 нафари Швеция, 1,5 мингга яқини Латвия ва 1300 киши Италияда расман истиқомат қилган», — дейилади чегара хизмати манбаларида.
Бандлик ва меҳнат муносабатлари вазирлигида музокаралар ўтказган Польша чегара хизмати вакиллари Ўзбекистон билан ҳамкорликка қизиқиш билдирди. Бу мазкур хизмат миграция масалалари билан ҳам шуғулланиши ва нафақат чегара, балки Польшанинг барча минтақа ва йирик шаҳарларида фаолият кўрсатиши билан боғлиқ. Мамлакат ичкарисида хизмат миграция назорати ва муҳожирлар меҳнати назорати билан шуғулланади.
Учрашув давомида томонлар меҳнат миграцияси соҳасида ҳамкорликни кенгайтириш учун қўшма ҳаракатлар режасини ишлаб чиқиш зарурлиги тўғрисидаги тўхтамга келди.
Изоҳ (0)