11—12 апрель кунлари Тошкент шаҳрида Шанхай ҳамкорлик ташкилотининг транзит салоҳиятини ривожлантириш бўйича махсус ишчи гуруҳнинг 10-мажлиси бўлиб ўтди. Бу ҳақда Ташқи савдо вазирлиги матбуот хизмати «Дарё»га хабар бермоқда.
Тадбир доирасида ШҲТга аъзо мамлакатлар вакиллари транспорт тизими ривожланиши ва чегаралараро транспорт ҳаракатининг соддалаштирилиши истиқболларини муҳокама қилди.
Хусусан, иштирокчилар ШҲТнинг йўлларни ривожлантириш дастури лойиҳасини батафсил муҳокама қилди.
Ушбу дастур халқаро юкларни автомобиль орқали ташиш учун қулай шарт-шароитлар яратиш тўғрисидаги келишувнинг мантиқий давоми ҳисобланиб, ШҲТга аъзо давлатларнинг транспорт хизматлари бозорида рақобатбардошлигини оширишга йўналтирилган.
Изоҳ (0)