Қозоғистоннинг Олмаота вилояти маркази Толдиқўрғон шаҳрида ўзбек қишлоқ хўжалик техникасини йиғиш бўйича цех очилиши мумкин. Бу ҳақда «Казинформ» хабар бермоқда.
Вилоят ҳокими Амандик Баталовнинг Ўзбекистонда ўтказилган Жетису маданияти кунлари доирасида бош вазир ўринбосари Нодир Отажонов ва «Ўзагротехмаш» ХК бошқаруви раиси Мурод Каримов билан учрашди. Учрашув давомида Баталов ўзбек томонига «Толдиқўрғон» индустриал зонасида цех ташкил этишни таклиф қилди.
Минтақа вакиллари Тошкентда холдинг томонидан чиқариладиган агротехника билан танишди. Олмаота вилоятининг аграр соҳага ихтисослашганини инобатга олиб, ўзбекистонлик тадбиркорлар қишлоқ хўжалигида фойдаланилиши мумкин бўлган трактор техникасини намойиш этди.
Изоҳ (0)