ЕЧЛ. Барча ярим финалчилар маълум. Эртага 16:00 да қуръа ташлаш маросими

11 апрель санасида Европа Чемпионлар Лигасининг барча ярим финалчилари номи маълум бўлди.

Демак қуйидаги жамоалар ЕЧЛ ярим финалида иштирок этади:

• «Бавария» (Германия)
• «Ливерпуль» (Англия)
• «Рома» (Италия)
• «Реал» (Испания)

Ярим финал босқичи қуръаси 13 апрель, жума куни Швейцариянинг Ньон шаҳрида бўлиб ўтади. Маросим 16:00 да бошланиши режалаштирилган. Қуръа очиқ кўринишда ўтказилади. Жамоалар ҳеч қандай саватчаларга ажратилмайди. Қуръани Киев шаҳрида ўтадиган Европа Чемпионлар Лигаси финали элчиси Андрей Шевченко олиб боради.

Дастлабки ўйинлар 24—25 апрелда, жавоб баҳслари 1—2 май кунлари ўтказилади. Финал 26 май куни Киевдаги «Олимпийский» стадионида бўлиб ўтиши режалаштирилган.