Бугун, 11 апрель санасида футбол бўйича Ўзбекистон Суперлигаси баҳсларининг 6-турига старт берилгани ҳақида аввалроқ хабар берилган эди.
Кун тақвимидан учта учрашув ўрин олганди. Уларнинг барчаси ўз ниҳоясига етди.
Жиззахда «Сўғдиёна» ҳамда Наманганнинг «Навбаҳор» жамоалари ўртасидаги учрашув мезбонларнинг иродали ғалабаси билан якунланди. Иккинчи ўйин Тошкентда «Бунёдкор» ва Бекободнинг «Металлург» жамоалари ўртасида кечиб, унда Қосимов шогирдларининг қўли баланд келди.
Бироз аввал Қаршида «Насаф» ҳамда «Локомотив» жамоалари ўртасидаги учрашув ўз ниҳоясига етди. Аввалига 54-дақиқада «Локо» ҳисобни очди. Гол муаллифи Диёр Туропов. Орадан 6 дақиқа ўтиб, «темирйўлчилар» ҳимоячиси Ислом Тўхтахўжаев ҳакам томонидан иккинчи сариқ карточкани олиб, майдонни тарк этди. Бундан руҳланган «Насаф» аъзолари бирин-кетин 64 ҳамда 70-дақиқада Игорь Голбан ва Драган Черанларнинг урган голи эвазига ғалабани ўз томонига оғдира олди. Шу тариқа учрашув мезбонларнинг ғалабаси билан якунланди. Амалдаги чемпион «Локомотив» эса бу мағлубиятдан кейин мусобақа жадвалида 9-ўринга тушиб кетди.Маълумот учун 5-тур учрашувида «Локомотив» легионери Нивалдо қизил карточка олиб майдонни тарк этган эди.
Суперлига
6-тур беллашувлари
11 апрель, чоршанба
«Насаф» — «Локомотив» 2:1
Голлар: 0:1 — 54 Диёр Туропов. 1:1 — 64 Игорь Голбан. 2:1 — 70 Драган Черан.Четлатиш: 60, Ислом Тўхтахўжаев (Л)
Изоҳ (0)