Фазлиддин Ғоибназаровнинг проф боксдаги 4-рақиби номи маълум бўлди

Рио-2016 Олимпиадаси чемпиони, бугунги кунда АҚШда профессионал рингда фаолиятини давом эттираётган ўзбекистонлик боксчи Фазлиддин Ғоибназаровнинг навбатдаги рақиби маълум бўлди, деб хабар беради «Оламспорт».

Мураббий Аброр Турсунпўлатовнинг маълум қилишича, Фазлиддин Ғоибназаров 12 май куни мексикалик Жезус Силвейрага қарши жанг қилади.

Мексикалик боксчи профессионал фаолияти давомида 15 та жанг ўтказган ва уларнинг 8 тасида ғалаба қозонган (шулардан 3 таси нокаут), бешта жангда мағлубиятга учраган, иккитасида дуранг қайд этилган.

Фазлиддин эса профессионал рингда учта жанг ўтказган ва уларнинг барчасида ғалаба қозонган (шулардан 1 та нокаут).

Маълумот учун жанг 12 май (Тошкент вақти билан 13 май тонгда) куни Нью-Йоркдаги Madison Square Garden’да бўлиб ўтади.