ЕЧЛ. «Манчестер Сити» бугун «Ливерпуль»дан аламини олишга уриниб кўради, «Барселона» эса Римга юриш қилади

Бугун, 10 апрель санасида Европа Чемпионлар Лигасининг икки ярим финалчиси аниқланади.

 «Манчестер Сити» — «Ливерпуль»

Улардан бири Манчестер шаҳридаги Etihad стадионида маълум бўлади. Биринчи учрашувда 0:3 ҳисобида мағлубият аламини тотиб кўрган Хосеп Гвардиола шогирдлари бугун жавоб ўйинида Юрген Клопп шогирдларига қарши кураш олиб боради. Учрашув Тошкент вақти билан 23:45 да бошланади. Учрашув UzReport телеканали томонидан тўғридан-тўғри эфирда узатилади.

«Рома» — «Барселона»

Мусобақанинг яна бир ярим финалчиси Римда маълум бўлади. Римнинг «Рома»си ўз уйида Каталониянинг «Барселона»сини қабул қилади. Биринчи учрашув Лео Месси жамоадошларининг 4:1 ҳисобидаги йирик ғалабаси билан якунланган эди. Ушбу ўйин ҳам Тошкент вақти билан 23:45 да бошланади. Futbol-TV ўйинни жонли эфирда намойиш этади.