Тожикистон Ўзбекистондан бошқа барча учун темир йўл орқали юк ташиш нархларини оширди

Тожикистон шимолида темир йўл орқали юк ташиш нархлари оширилди. Бу ҳақда Sputnik хабар берди.

«Тожикистон темир йўл компанияси Сўғд вилояти ҳудуди орқали юк олиб ўтишнинг ички тарифларини сезиларли даражада оширди. Янги тарифлар шу йилнинг 5 апрелидан бошлаб амал қилади», — дейилади хабарда.

Хабарга кўра, 5 апрелдан Тожикистон шимолидаги темир йўллар орқали нефть маҳсулотларини ташиш нархи деярли 60 фоиз, суюлтирилган газни ташиш нархи 93 фоиз, бошқа маҳсулотлар учун эса 2,4 бараварга ошди.

Мисол учун, эндиликда «Сари Оғоч» (Қозоғистон) пунктидан Хўжандга бир тонна бензин етказиш 57,94 долларга тушади (аввал 37,85 доллар эди). Суюлтирилган бензин учун эса етказиб берувчи 40,16 доллар тўлайди (аввал 28,8 доллар).

Бу ўзгаришлар Ўзбекистондан келтириладиган юкларга тааллуқли эмас.