4 апрель куни Россиянинг Ставрополь ўлкасида содир бўлган йўл-транспорт ҳодисаси оқибатида 4 нафар ўзбекистонлик ҳалок бўлди. ЙТҲ Isuzu юк машинаси ва «Жигули» автомобиллари иштирокида содир бўлган.
«Жигули» ҳайдовчиси ва унинг икки йўловчиси ҳодиса жойида, яна бир йўловчи 5 апрелга ўтар кечаси шифохонада вафот этган.
Ҳодиса оқибатида Шуҳрат Жумақулов (1983 йилда туғилган), Миржалол Тоғаев (1991), Муҳриддин Қаршиев (1995) ва Баҳром Юнусов (1988) оламдан ўтган. Дастлабки маълумотларга кўра, улар Жиззах вилоятининг Зомин туманидан.
Isuzu юк машинасини бошқараётган 37 ёшли ставрополлик эркак ЙТҲда жароҳат олган.
Дастлабки маълумотларга кўра, ҳалок бўлганлардан бири бошқарувида бўлган «ВАЗ-2101» машинаси қарама-қарши йўналишга чиқиб, юк машинаси билан тўқнашган.
Ўзбекистон ФВВ ЙТҲ бўйича «Тезкор рақамлар» иш бошлаганини маълум қилди.
Изоҳ (0)