Жорий йилнинг 2 апрель куни Ўзбекистон Республикаси Вазирлар Маҳкамасининг «Мўътабар аёл» кўкрак нишонини таъсис этиш чора-тадбирлари тўғрисида»ги қарори қабул қилинди. Ҳужжатга кўра, «Мўътабар аёл» кўкрак нишонини 8 март – Халқаро хотин-қизлар куни арафасида топширилади. Бу ҳақда Адлия вазирлигининг Telegram’даги расмий каналида хабар берилди.
«‘Мўътабар аёл’ кўкрак нишони билан мукофотлаш Ўзбекистон Хотин-қизлар қўмитаси Бошқарувининг қарори асосида амалга оширилади», — дейилади хабарда.
«Мўътабар аёл» кўкрак нишони билан жамият ва давлат ҳаётида фаоллик ва ташаббускорлик кўрсатган, ўзининг самарали меҳнати билан оиланинг шаклланишига ва фаровонлиги мустаҳкамланишига, оналик ва болалик муҳофазасига муносиб ҳисса қўшган жойларда маънавий-ахлоқий муҳитни соғломлаштириш ва миллий қадриятларни кенг тарғиб этиш борасида ибратли фаолият олиб бораётган хотин-қизлар тақдирланади.
Кўкрак нишони билан мукофотланган шахслар энг кам ойлик иш ҳақининг тўрт баравари миқдорида бирйўла тўланадиган пул мукофоти олади.
Изоҳ (0)